Логиниңизди, сыр сөзүңүздү же ОТРди эч кимге, жада калса Банк кызматкерлерине да бербеңиз.

Тамгаларды, сандарды жана атайын белгилерди камтыган татаал сыр сөздөрдү колдонуңуз.

Логиниңизди жана сыр сөзүңүздү көрүнгөн жерлерге жана телефонуңузга жазбаңыз.

Электрондук каттардагы жана социалдык тармактардагы шектүү шилтемелерден сак болуңуз.

Эгерде сиз телефонуңузду жоготуп алсаңыз же ага уруксатсыз киргенинен шектенсеңиз, дароо кирүүнү бөгөттөө үчүн Банк менен Байланыш борборунун телефону аркылуу байланышыңыз +996-312-440-440 / 4400 (чалуу акысыз).

Белгисиз адамдардын күтүүсүз чалууларынан, СМС жана билдирүүлөрүнөн абайлаңыз, өзгөчө акча которууну же жеке маалыматтарды берүүнү сурашса.

Эч убакта логинди, сыр сөздү же СМС коддорду телефон аркылуу бөлүшпөңүз.

Картаны же эсепти бөгөттөө маалыматын ырастоо үчүн, чалаардан мурун телефон номерлерин текшериңиз.

«Сиздин Мобилдик бангкинг эсебиңизден уруксатсыз  акча каражатын чыгарууга аракет жасалганы аныкталды» — шылуундар сизди сүйлөшүүгө тартып, «аманатыңызды коргоо» шылтоосу менен банк картаңыздагы купуя маалыматты билишет.

«Сиздин эсебиңизде болжолу менен канча сумма бар экенин айтсаңыз» — акча чыгаруунун суммасын болжолдоо үчүн, шылуундар эсебиңиздин диапазонун билгилери келет.

«SMSтеги кодду айтыңыз» — транзакцияны  же тиркемеге кирүүнү тастыктоо үчүн, шылуундар SMSтеги  кодду сурашат.

«Коопсуз тиркемени жүктөңүз» — телефонуңузга же банктык аккаунтуңузга кирүү үчүн, шылуундар жасалма тиркемени жүктөөнү сунушташы мүмкүн.

Ушул сыяктуу белгилер байкалса, дароо сүйлөшүүнү токтотуу жана маалыматты тактоо үчүн Банктын Байланыш борборуна чалуу сунушталат.