2026-жылдын 22-майында Ош шаарында ЕӨРБнын Борбор Азиядагы «Бизнестеги аялдар» программасынын алкагында FINCA Банк аял ишкерлер үчүн кезектеги семинар өткөрдү.

Катышуучулар финансылык инструменттер, коопсуздук жана алдамчылыктан коргонуу боюнча пайдалуу маалымат алышты. Ошондой эле алар Мамлекеттик салык кызматынын өкүлдөрүнө суроолорун берип, жоопторун алышты.

Программанын маанилүү бөлүгү катары FINCA Банктын өнөктөшү SheStarts коомдук бирикмеси аял ишкерлер үчүн жеткиликтүү болгон колдоо мүмкүнчүлүктөрү жана программалары тууралуу айтып берди.

Семинар тажрыйба алмашууга, жаңы таанышууларды түзүүгө жана бизнести өнүктүрүүнүн жаңы мүмкүнчүлүктөрүн талкуулоого жакшы аянтча болду.