АЧЫК ОФЕРТА
(Банк эсебинин Башкы келишимин түзүү үчүн)
Бул Банктык Оферта КР Жарандык кодексинин 398-беренесинин 2-пунктуна ылайык, жеке жактардын (мындан ары – Кардар) чексиз чөйрөсүнө багытталган жана Банктын Башкы банктык эсеп келишимин (мындан ары – Оферта же Келишим) аралыктан түзүү боюнча расмий жана ачык сунушун билдирет.
Бул Оферта анын 1.4-пунктунда белгиленген тартипте, Кардар аны кабыл алгандан кийин, Банк менен Кардардын ортосунда түзүлгөн деп эсептелет, бул анын бардык шарттарына макулдугун билдирет. Бул Офертаны кабыл алуу үчүн, Кардар аралыктан идентификациядан жана верификациядан, фотоверификациядан же видеобайланыш аркылуу верификациядан өтөт, ошондой эле Банктын ички ченемдик документтерине жана Кыргыз Республикасынын мыйзамдарынын талаптарына ылайык, бардык зарыл документтерди сунуштайт.
Бул Келишимге, СМС-билдирүү түрүндө, Кардардын катталган телефон номерине Банк тарабынан жөнөтүлгөн атайын кодду киргизүү аркылуу кол коюлат. Кардардын жөнөтүлгөн кодду киргизүүсү тандалган өнүмдүн шарттарына макулдугун билдирет жана “Электрондук колтамга жөнүндө” Кыргыз Республикасынын Мыйзамына ылайык, бул Келишимге Кардардын жөнөкөй электрондук колтамгасы менен кол коюу болуп саналат, жана карыз алуучунун өз колу менен коюлган кол тамгасына барабар.
Бул Офертага кол коюу менен, Кардар төмөнкүлөргө макулдугун берет:
• Телефон чалуулар, СМС-билдирүүлөр, электрондук почталар, WhatsApp жана башка каналдар аркылуу кандайдыр бир маалыматты алуу/берүү.
• Өнүмдү кабыл алуу жана ал бул Келишим менен, анын бардык Тиркемелери менен таанышкандыгын, анын шарттарына жана алардын колдонулушуна макулдугун ырастайт.
1. Банк, онлайн-арыздын (мындан ары – Арыз, көчүрмө) негизинде, Кардардын арызында көрсөтүлгөн валютада Кардарга пенсиялык/талап боюнча банктык эсептерди (мындан ары – Эсеп) ачат жана Банк тарабынан белгиленген чектерде эсептешүү-кассалык кызматтарды (мындан ары – РКО), Кыргыз Республикасынын мыйзамдарына жана Банктын www.fincabank.kg сайтында жайгаштырылган, ушул келишимдин №1 тиркемеси жана анын ажырагыс бөлүгү болуп саналган “FINCA Bank” ЖАКтагы банктык эсептерди ачуу жана тейлөө боюнча Эрежелерге ылайык көрсөтөт, анда тараптардын негизги укуктары, милдеттери жана жоопкерчиликтери каралган. Банктык эсепти Банк тарабынан белгиленген лимиттерди жана суммаларды чектөөсүз колдонуу үчүн, Кардар Банктын каалаган филиалына барып, кагаз жүзүндө тиешелүү келишимге кол коюшу керек.
1.1. Банк, Кардардын онлайн-арызынын негизинде, анын эсептерин Интернет-банкинг/Мобилдик банкинг системасына (мындан ары – ИБ) туташтыра алат. ИБ системасына кошулуу шарттары жана ИБ системасында иштөө тартиби ушул Келишимдин №2 Тиркемеси жана анын ажырагыс бөлүгү болуп саналган, Банктын www.fincabank.kg веб-сайтында жайгаштырылган Интернет-банкинг системасына кирүү мүмкүнчүлүгүн берүү Эрежелеринде баяндалган.
1.2. Кардар, ушул келишимдин негизинде, Банк тарабынан белгиленген чектерде ага берилген ИБ системасына жетүү аркылуу, ушул келишимге айрым Кошумча келишимдерде көрсөтүлгөн шарттарда Мөөнөттүү, Топтоо, Пенсиялык жана депозиттердин башка түрлөрүн (мындан ары – Салымдар; Депозиттер) аралыктан ача алат. Мында, депозиттин/салымдын суммасына пайыздар, аны банкка алган күндөн кийинки күндөн тартып, аны Кардарга кайтарып берүүдөн мурунку күнгө чейин эсептелет. Мындан тышкары, эгерде депозитти төлөө күнү жумуш эмес күнгө туура келсе, төлөм кийинки жумуш күнү жүргүзүлөт.
1.3. Банк Кардардын талабы боюнча ага Карта эсебин (мындан ары – Карта эсеби) ачууга укуктуу, ага ылайык Кардар банктык төлөм картасын же аралыктан тейлөө каналдарын колдонуу менен карта эсебин башкара алат. Карта эсебин ачуунун шарттары, банктык карталарды пайдалануу тартиби, ошондой эле тараптардын укуктары жана милдеттери ушул келишимдин №3 Тиркемесинде жана Банктык картаны пайдалануу Эрежелеринде көрсөтүлгөн. Бул Эрежелер ушул Келишимдин тиркемеси жана ажырагыс бөлүгү болуп саналат жана Банктын www.fincabank.kg расмий сайтында жайгаштырылган.
1.3.1. Бул Келишимге кол коюу менен, Кардар Келишимдин шарттарын, картаны пайдалануу Эрежелерин, анын ичинде аны коопсуз колдонууну, Банктын тарифтерин, карта ээсинин банк эсебинин валютасынан айырмаланган валютада транзакцияларды жүргүзүүдө, банк менен байланышуу үчүн маалымат, карталарга акча каражаттарын чегерүү мөөнөттөрү жана карта жоголгон учурда иштөө тартиби, аяктаган транзакциялар, картаны бөгөттөө жөнүндө маалымат алуу ыкмалары менен конвертациялоонун ар кандай варианттарын караган, бир валютадан экинчи валютага конвертациялоо схемасы менен толук таанышканын ырастайт.
1.4. QR-кодун колдонуу менен Кардардын эсебинен төлөмдөрдү жана которууларды жүргүзүү ушул Келишимдин №5 Тиркемесинде көрсөтүлгөн жана анын ажырагыс бөлүгү болуп саналат, ал Банктын www.fincabank.kg веб-сайтында жайгаштырылган.
1.4. Офертанын кабыл алынышы:
1.4.1. Кардардын төмөнкү аракеттерди аткаруусу – бул келишимдин шарттарына макулдукту ырастоо жана Офертаны кабыл алуу болуп эсептелет:
• Банктын тиешелүү мобилдик тиркемесин (FINCA Elsom, FINCA Mobile) жүктөп алуу менен, Банктын веб-сайтында «Алыстан идентификациялоо» кызматын тандоо. Андан кийин, жеке маалыматтарды иштетүүгө, сактоого ж. б. Макулдук формасын жана банк эсебинин Башкы келишимин окуп, кол коюу керек.
• Онлайн-арыз толтургандан кийин, Кардар Тиркемеде мурда көрсөтүлгөн телефон номерине SMS аркылуу алынган санариптик кодду тиешелүү тилкеге киргизет.
• Арызга кол коюу менен (санариптик кодду киргизүү) Кардар бир эле учурда Офертага кол коет (кабыл алат). Берилген санариптик код (пароль) Кардардын Жөнөкөй электрондук колтамгасы болуп саналат.
1.4.2. Офертаны кабыл алгандан кийин, Кардар жана Банк Келишимдин Тараптары болуп калышат.
2. Ушул Келишимдин тараптары Кыргыз Республикасынын Эрежелеринде жана мыйзамдарында каралган укуктарга ээ жана милдеттерди жана жоопкерчиликтерди тартышат.
3. Банктык кызмат көрсөтүүлөр үчүн төлөм накталай же накталай эмес формада, Банктын Тарифтерине жана лимиттерине ылайык эсепти дебеттөө жолу менен алынат, аларды Банк Келишимдин колдонуу мөөнөтүнүн ичинде өзгөртүшү жана/же толукташы мүмкүн. Жаңы тарифтер, ошондой эле Банк тарабынан белгиленген лимиттер Банктын веб-сайтында (www.fincabank.kg.), же Банктын кеңселериндеги маалымат тактасында көрсөтүлгөн жана Банк тиешелүү чечим кабыл алгандан кийин, он жумушчу күндөн эрте эмес колдонулат.
4. Бул Келишим Кардардын демилгеси боюнча каалаган убакта токтотулушу мүмкүн. Ал үчүн Кардар Банкка жазуу жүзүндө арыз жөнөтүшү керек. Калган каражаттар Кардарга берилет, же анын жазуу жүзүндөгү көрсөтмөсү боюнча башка эсепке которулат.
4.1. Пайыздар анын түрүнө жараша кардардын демилгеси боюнча депозит мөөнөтүнөн мурда токтотулган учурда төлөнөт. Эгерде Банк ай сайын пайыздарды төлөп турса, төлөнгөн пайыздардын суммасы депозиттин негизги суммасынан кармалууга тийиш.
4.2. Банк төмөнкү учурларда, эсеп жабылганга чейин кеминде бир ай мурун, Кардарга акыркы белгилүү дарек боюнча СМС же электрондук почта аркылуу билдирүү менен келишимди бир тараптуу бузууга укуктуу:
• Бир жыл ичинде Эсепте/эсептерде акча же Эсепте/тер боюнча операциялар жок болсо;
• Эсептеги каражаттардын суммасы минималдуу баланстан төмөн болсо;
• кардарды идентификациялоо жана верификациялоо, эсеп боюнча операцияларды жүргүзүү, бүтүмдүн экономикалык максатка ылайыктуулугун жана кардардын реалдуу экономикалык иш-аракетинин негиздүүлүгүн ырастаган бенефициардык менчик ээсин аныктоо үчүн зарыл болгон документтерди берилбесе;
• Так эмес документтер берилсе;
• Кардардын террордук аракеттерге же массалык кыргын салуучу куралды жайылтууга катышкандыгы тууралуу маалыматтар болсо.
5. Кардар террористтик ишмердүүлүктүн эч кандай түрүн колдобой турганын же түз же кыйыр түрдө катышпагандыгын, ошондой эле кылмыш жолу менен алынган акча каражаттарынын булактарын жашырууга же акча каражаттарын кылмыштуу же мыйзамсыз максаттарга колдонууга ниеттенбестигин ырастайт.
6. Эгерде Кардар АКШнын салык төлөөчүсү болсо, анда Чет элдик эсепке салыкты сактоо актына (FATCA) ылайык, ал Банкка ал жөнүндө маалыматтарды жана анын эсеби боюнча операцияларды АКШнын тиешелүү органына өткөрүп берүүгө макулдугун берет. Маалыматты мындай өткөрүп берүү Кыргыз Республикасынын мыйзамдарын бузуу болуп саналбайт.
7. Тараптардын ушул келишимди түзүүсү Банкка Кардарга Депозиттин каалаган түрүн, банк картасын чыгаруу менен карта эсебин ачууга, ошондой эле Кардарды ИБ системасына кошууга мүмкүндүк берет. Кардар бул келишимге кол коюу менен Эрежеде көрсөтүлгөн Депозиттерди, Карта эсебин ачуу жана аны ИБ системасына кошуу үчүн бардык шарттар менен толук таанышканын ырастайт.
8. Ушул Келишимде каралбаган бардык башка аспектилерде Тараптар Кыргыз Республикасынын Эрежелерин жана мыйзамдарын жетекчиликке алышат.
9. Бул оферта кол коюлган (кабыл алынган) учурдан тартып күчүнө кирет жана мөөнөтү чектелбейт.
10. Келишим Тараптардын ар бири үчүн бирдей юридикалык күчкө ээ болгон эки нускада түзүлдү.